THEOTER
  IN
  SÜSTE

Weest von Harten willkommen

bi dütt Wunnerwark der Technik. Wi, de Theodergruppe von TSV Süstedt sünd jo mehr as begeistert datt man sik nu öber datt Internet bi de Plattdütsch-Fans in de ganze Welt vörstellen kann.

In use Gegend, hier so rund üm Süstedt umto, dor kennt us de Minschen jo, aber natürlich kann datt jo nich so blieben. Um öberall mit Plattschnackers in Verbindung to kaumen, nutzt use lütje Truppe de Möglichkeiten de de Fortschritt und de Tokunft us in de Hand lecht.

Ik weet, de meisten Menschen denkt, datt de von Dörbe sowieso alle `nen beten beschüert und rückständig sünd. Wi nich, jedenfalls bitt nu nich. Mit kritische und humorvolle Geschichten hebt wi all masse Minschen ton Nahdenken brocht. Plattdütsch is för Nörgeln und Schimpen för Freud un Leid genau die richtige Sprake. Bi us is datt wirlich schön, un sogor de Kneipe, in de hier speelt ward, is so urig un knuddelich wi de Minschen hier.

Wenn ji dor buten in de Welt mol schöne Stünnen, mit de längst vergeten geglöfte Moddersprake verbringen wöt, denn kaumt doch mol bi us vörbi. Wi freit us öber jeden Besuch, besonners wenn denn ok Platt schnackt ward. Infos öber datt Theoderstück watt de nächste Saison ton besten gäben ward, un allns watt ji öber us wäten möchtet, künnt ji in düsse düwelsdulle Maschine nahläsen. Wi freut us up jo

De Theoterspälers von TSV Süstedt